Please enable / Bitte aktiviere JavaScript!
Veuillez activer / Por favor activa el Javascript!
Rapitful Shqip

Bojkoto produktet e Serbisë

Bojkoto produktet e Serbisë

Cilat janë top-fjalët e vitit 2014, sipas Fisnik Ismailit?

Deputeti i Lëvizjes Vetëvendosje, Fisnik Ismaili, ka bërë një postim ndryshe në profilin e tij në Facebook.

Përmes këtij postimi, ai përmend “Top 5-Fjalët” e vitit 2014, të cilat sipas tij janë: “1. Ngërç; 2. Shpërthen; 3. Godet; 4. Të pasmet; 5. Pivotal”!
Share/Bookmark
       
   

Propagandë tipike e SHIK-ut

Propagandë tipike e SHIK-ut: Në një javë kur krijohet koalicioni i poshtër mes hajnave të 3%-shit edhe hajnave të "Vendlindja Thërret", të cilët qe 15 vjet e shkatërrojnë vendin, me Kryeministër që s'ka dijtë nji kryeqytet me e udhëheqë, për çka edhe ka humbë Prishtinën, e kur seanca e parë iu dështon, ku tjetër me u kapë për me i fshehë dështimet, pos për Shpendin edhe akuzën tashmë të kahmotshme edhe bajate se LVV ka lidhje me "talebanët"?

Pse? Se Shpendi hala nuk e ka dekorue qytetin me drita festive të fundvitit, e që është duke u ba në ditët në vijim.

Për ma tepër, keta mafiozë, përmes mediave të tyne të fëlliqta, ia cenojnë Shpendit edhe jetën private, duke i publikue foto të familjes e shtëpisë, e duke shpifë për ta.
He bre, kuçkat e nanës, Ekpresat, Indeksat e SHIK-at e lodhtë. Po lehtë është me ju çmontue, me nji status të vetëm.

Burimi: Fisnik Ismaili

Share/Bookmark
       
   

Disa flitnin shumë, ndërsa të tjerë që heshtën

#‎realitet‬
Disa flitnin shumë dhe i mendoja të mençur derisa nuk i takova
Ndërsa të tjerë që heshtën, shumë nga ta mësova.
Prandaj mos gjyko para kohe, se shiqimi ndonjëherë mashtron
të shëmtuarin ta bën t'bukur, ndërsa t'bukurin ta shëmton!!!

Burimi: Senad Ramadani

Share/Bookmark
       
   

Unë sonte jam i befasuar për të mirë

Unë sonte jam i befasuar për të mirë. Jam më i nxitur dhe më shpresues. Shumësia dhe llojllojshmëria e njerëzve përgjatë përurimit të tri librave të autorit Jusuf Zimeri, më dha shtytje për të ecur më me vullnet udhës së diturisë. Madje sonte takova shumë miq, që vetëm virtualisht qemë njohur. Nuk më gëzonin shumë kur më thoshin se shkruaj mirë, por kur dëgjoja të më thonë se publikimet e tua me vëmendje i ndjekim dhe i lexojmë. Kjo për mua ishte lumturim i vërtetë, ngaqë shoh se mundi dhe përpjekja ime nuk shkon huq, ashtu siç mund të mendojmë ndonjëherë përgjatë çasteve jo aq shpresuese. Faleminderit i nderuar Jusuf për këtë mundësi takimi dhe krijimi të një atmosfere ku libri u vu në krye të dhomës. Shoqërisë sonë përnjëmend i duhen këso takimesh dhe organizimesh.

Burimi: Iljasa Salihu

Share/Bookmark
       
   

Drejtësia e njëanshme është padrejtësi e shumanshme


Rexhep Qosja me të drejtë qenka tmerruar me Isën, mirëpo me pa të drejtë qenka tmerruar vetëm me Isën. Nuk mund ta kuptoj se si ka mundësi që një akademik të jetë kaq i anshëm. PDK-ja, BDI-ja dhe PS-ja janë të paprekshme dhe çdo veprim që ndërlidhet me këto parti është veprim që duhet heshtur dhe ndonjëherë duhet përkrahur e përshëndetur. Ndërsa çdo veprim i LDK-së duhet kritikuar, sepse vetë prania e qenësisë së LDK-së është një ogurzi. Kjo për mua është tmerr. Përfundimisht më jep të kuptoj se z. Qosja kurrë nuk ka mundur të largohet prej vargonjve të komunizmit. Vetëm komunistët i shikojnë kaq anshmërisht gjërat. Sikur edhe për fe të bëhej fjala, njeriu me të drejtë i kritikon pjesëtarët e atyre feve, veprimet e tyre që janë duke i bërë në emër të fesë dhe të mos flasim për pjesëtarët e partive apo ideologjive të ndryshme. Si mund të kapërdihet një Kadri, një Hashim, një Halit, që lëre se politikisht i pastruan shumë syresh, flitej edhe se shumë sosh i dërguan për në ahiret, por edhe ekonomikisht si të jenë grykor të papërmirësueshëm e vjelën Kosovën, vjelje kjo që si peshqesh ia solli problemin e Mitrovicës. Akademiku sërish hesht. Ai zgjohet prej Shpellës së Letargjisë vetëm kur është fjala për LDK-në. Tani unë me të drejtë shtroj një pyetje; po sikur të mos kishte ekzistuar fare LDK-ja, atëherë a do të ishte Rexhep Qosja ky që është sot? Ju lutem akademik, një herë nuk ju përgjigjët pyetjes sime, ta fala burrërisht, madje u përpoqa ta amortizoj këtë turp, por edhe unë jam njeri, nuk mund t’i fali disa gjëra të pafalshme!

Burimi: Iljasa Salihu

Share/Bookmark
       
   

Si e kërcnoi një Xhin Hoxhën Nesim Demiri?


Share/Bookmark
       
   

Dëgjo mirë

Dëgjo mirë:
Thotë Muhamedi alejhi selam, Allahu i Madhëruar urren çdo:
1.Mendjemadh ndaj të vërtetës dhe mospranues i saj
2.Person i cili lëvdohet për atë çka nuk e posedon dhe mbahet kryelartë
3.Person që ngrit zërin nëpër tregje
4.Personin që flenë si kufomë pa u zgjuar natën për ibadet, ndërsa gjatë ditës punon si gomar vetëm për dunja !!!


Burimi: Senad Ramadani

Share/Bookmark
       
   

Unë mendoj se atyre që patën mandatin e deputetit në një parti politike që...

Unë mendoj se atyre që patën mandatin e deputetit në një parti politike që shqiptarët shumë ia panë sherrin, duhet thënë se dera e pendimit gjithmonë është e hapur, por të synoni të njëjtën pozitë, apo të njëjtat pozita në një subjekt tjetër politik, as që bëhet fjalë. Unë gëzohem shumë kur dëgjoj për djemtë dhe vajzat që para do kohësh kishin qenë të përdalë, kurse tani me zemër të thyer trokitën në derën e pendimit. Zoti ia faltë, por më vjen keq, duhet thënë se sërish në prizmin horizontal nuk jeni të barabartë me ata që nuk patën nevojë të pendohen për të tilla gjëra, ndaj me plot çiltërsi u them, le ta njohin veten dhe le ta gjejnë pozitën që do t’i shkojë më së shumti përshtati!

Burimi: Iljasa Salihu

Share/Bookmark
       
   

Mos mendo se jeta yte do të jetë pranverë përgjithmonë

Mos mendo se jeta yte do të jetë pranverë përgjithmonë, përkundrazi sikurse stinët e vitit ashtu edhe ajo do ndryshojë.

Do të kaplon nxehtësi dhe temperatura të larta, do të godasin acare dhe ngrica, ëndrrat tua do binë sikur gjethet e thara, por mos harro: jeta yte inshaAllah do lulëzon përsëri !!!

|Turki ElEshxhai|

Burimi: Senad Ramadani

Share/Bookmark
       
   

Marrëdhëniet tona ndërnjerëzore janë pasqyrë dhe dëshmi e marrëdhënies sonë me Krijuesin tonë

Marrëdhëniet tona ndërnjerëzore janë pasqyrë dhe dëshmi e marrëdhënies sonë me Krijuesin tonë. Nuk mund të jetë lidhja e fortë me Krijuesin në prani të lidhjes shumë të dobët dhe hileqare me krijesat. Si mund t’i themi atij që shanë, përgojon, nënçmon, shpifë, grindet lehtë, shpërthen, gënjen dhe nuk bën vepra të mira se është duke e adhuruar si duhet Zotin. Ai vetëm është duke u vetëmashtruar dhe shtirë se është duke e adhuruar Zotin, sepse nuk mund ta adhurosh Krijuesin kur në anën tjetër hidhëron panevojshëm krijesat. Nuk mund të jesh rob i Zotit dhe njëkohësisht rob i njerëzve. Je duke gënjyer dhe dije se gënjeshtra nuk i ka hije besimtarit, madje aty ku është gënjeshtra nuk është besimtari. Sado të shohim koka të arrira dhe modele të zhvilluara, sërish roli i fesë në zhvillimin, gatimin dhe përgjithësisht në jetën tonë është i pazavendësueshëm. Që të jesh i lirë, duhet të mos jesh rob i njerëzve, por t’i shërbesh si është më së miri krijesave si rob i Zotit. Njeri i lirë është vetëm ai që ka pranuar nënshtrimin dhe përuljen para Zotit. Përndryshe nëse nuk i nënshtrohesh Zotit, atëherë njeriu është i prirë t’i nënshtrohet dikujt, sidomos njerëzve dhe dihet; ky nënshtrim prodhon një pafundësi nënçimesh dhe prapambetjesh.

Ky është koncepti, apo ajka e temës me titull “Adhurimi në funksion të edukimit”, që mbrëmë në godinën e FRI-së patëm rastin ta marrim prej ligjëruesit nga Presheva, sociologut dhe teologut, Mr. Nexhmedin Ademit!

Burimi: Iljasa Salihu

Share/Bookmark
       
   

Ata që për 20 vjet radhazi, apo edhe pak më pak se numri i këtyre viteve

Ata që për 20 vjet radhazi, apo edhe pak më pak se numri i këtyre viteve, me fanatizëm e përkrahën dhe e lartësuan Menduh Thaçin, moralisht duhet të tërhiqen përgjithmonë prej politikës. Një njeri normal do ta vëreje me kohë të keqen që fshihej brenda dhe jashtë z. Thaçit. Ai si i tillë nuk u bë sot, por ai, madje edhe më i vrazhdë ishte më herët. Kurse sot po ata që e ujitën këtë lule, duan të paraqiten lule në kopshtin e këtij populli. Ndërsa kalimi i funksionarëve të dikurshëm dhe të tanishëm nga një parti në tjetrën, duke synuar edhe më tej pozita të lartë, nuk është gjë tjetër pos një hipokrizi e hapur, që tashmë edhe daltonistët këtë gjë e shohin. Madje ky veprim është edhe një njollë për subjektet politike që ata synojnë të vënë gisht dhe dorë. E mira e këtyre njerëzve do të ishte që ata të bëhen vetëm votues të atyre që janë më të mirë, apo më pak të këqinj dhe asgjë tjetër, ngaqë të keqen nuk qenë në gjendje ta parandalojnë me kohë që sot të paraqiten pararojë e së mirës!

Burimi: Iljasa Salihu

Share/Bookmark
       
   

Unë nuk jam student, por jam me studentët.

Unë nuk jam student, por jam me studentët. Në mos për diçka madhore, është çasti që studentët të japin shenjë jete. Është koha që të tregohen antivlerat dhe injoranca nëpër universitete. Meqë kjo punë u nis, le të sqarohen dhe zbërthehen edhe disa anomali të tjera, sepse nuk është problem vetëm testi ekstern, mbase ky test është vetëm maja e ajsbergut. Dhëntë Zoti të kemi demonstrim të pakënaqësisë edhe kundër profesorëve injorant, heshtak dhe vasal të partive politike, sepse kjo është prapanica e ajsbergut, që rri e fshehur nën ujin e ftohtë!

Burimi: Iljasa Salihu

Share/Bookmark
       
   

Nuk frikësohem nga gruaja e keqe...

Nuk frikësohem nga gruaja e keqe sepse sherri i saj më bën që të mbrohem nga ajo me gjithë arsenalin që e posedoj.


Por ajo çka më frikëson është gruaja e mirë, bëmirësia e sajë më bën ti hudh të gjitha armët dhe pa pikë rezerve të lë zemrën time në duart e saj.
 
|Mustafa Mahmud|


Burimi: Senad Ramadani

Share/Bookmark
       
   

Ndoshta ngaqë jam i ri, por nuk mbaj mend që...

Ndoshta ngaqë jam i ri, por nuk mbaj mend që ndonjë ministër i yni të ketë vdekur në krah të derteve të popullit. Përkundrazi, ata rrojnë prej popullit, por jo edhe për popullin dhe në mesin e popullit. Një ministër palestinez, sot dëshmoi diçka madhështore. Ani pse Palestina është e varfër dhe e pushtuar prej shteteve më të fuqishme të botës, porse ajo e ka atë që rrallë kush e ka; ajo arriti ta ruajë dinjitetin dhe krenarinë. Bijtë e tyre pranuan vdekjen, por jo edhe përçmimin. Ministri nuk zgjodhi si shumë ministra tjerë darkat e shtrenjta dhe vozitjet me xhip të blinduar, por ai pranoi të bie dëshmor, sepse nuk pranoi që me sytë e tij ta shihte vazhdimësinë e terrorit në dheun e të parëve të tij!

Burimi: Iljasa Salihu

Share/Bookmark
       
   

Është mirë që edhe të huajt ta kuptojnë se...

Është mirë që edhe të huajt ta kuptojnë se politikanët tanë ngushëllimet i bëjnë vetëm për ndonjë interes të ulët dhe jo pse dikush u dhimbset. Do të mjaftonte një stuhi, disa dëme materiale dhe ndonjë lëndim në njerëz në ndonjë shtet të zhvilluar ekonomikisht, që politikanët tanë, sidomos ata në pushtet, t’i rendisin telegram ngushëllimet, gjoja se këtyre shumë i kërcet për këtë gjëmë. Ndërkaq, edhe pse në mënyrë barbare u vra një ministër palestinez, asnjë politikan i yni nuk e dënoi rastin në fjalë dhe nuk shprehu zyrtarisht ngushëllime. Unë nuk them, por ata dëshmojnë se hileqar jemi edhe përgjatë ngushëllimeve, ndërsa të mos flasim për gjëra të tjera që janë më pak të ndjeshme.

Burimi: Iljasa Salihu

Share/Bookmark
       
   

Unë mendoj se atyre që patën mandatin e deputetit në një parti politike

Unë mendoj se atyre që patën mandatin e deputetit në një parti politike që shqiptarët shumë ia panë sherrin, duhet thënë se dera e pendimit gjithmonë është e hapur, por të synoni të njëjtën pozitë, apo të njëjtat pozita në një subjekt tjetër politik, as që bëhet fjalë. Unë gëzohem shumë kur dëgjoj për djemtë dhe vajzat që para do kohësh kishin qenë të përdalë, kurse tani me zemër të thyer trokitën në derën e pendimit. Zoti ia faltë, por më vjen keq, duhet thënë se sërish në prizmin horizontal nuk jeni të barabartë me ata që nuk patën nevojë të pendohen për të tilla gjëra, ndaj me plot çiltërsi u them, le ta njohin veten dhe le ta gjejnë pozitën që do t’i shkojë më së shumti përshtati!

Burimi: Iljasa Salihu

Share/Bookmark
       
   

Të jetoj për të realizuar ëndërrën time

Të jetoj për të realizuar ëndërrën time është më e mirë për mua se sa të jetoj për të rrënuar ëndërrat e të tjerëve.

Përkthim : Valdet Kamberi

Share/Bookmark
       
   

Mjekësia ka arritur ti transplaton të gjitha organet, përveç...

Mjekësia ka arritur ti transplaton të gjitha organet, përveç ndërgjegjës.
Respekt njerëzve me ndërgjegje të gjallë!

Burimi: Bekir Halimi



Share/Bookmark
       
   

Heshtja e intelektualit përballë mashtrimeve dhe padrejtësive të shumta

Heshtja e intelektualit përballë mashtrimeve dhe padrejtësive të shumta, është e ngjashme me heshtjen e nënës e cila rri e nemitur përballë fëmijës që është nisur drejt një grope të thellë. Nuk besoj se ndonjë nënë do të heshtte në raste të këtilla, por po më duhet të besoj se disa të ditur e goxha shumë të arsimuar, më parë janë në gjendje ta dëgjojnë rrapëllimën e fëmijës, zhurmë kjo që krijohet prej ramjes së fëmijës në gropë, se sa zhurmën e urtësisë së tyre.

Burimi: Iljasa Salihu



Share/Bookmark
       
   

Sa mirë që të keqen e tyre vetë po e zbulojnë


Nuk mund të themi se e keqja nuk po përparon. Partia në pushtet që i mungon pushteti, por jo edhe vasaliteti, pastaj intelektualët e varur, me zgjuarsi të mprehtë po mëtojnë të na mashtrojnë. Në pamundësi të ndaljes së projekteve antishqiptare, ata këtyre projekteve po ia imagjinojnë (shtojnë) elementin shqiptar. Kaq, sa lehtë mbaroi çdo gjë. Në sajë të këtij botëkuptimi edhe vrasja e Harun Alit me shokë, enciklopedia, burgosjet me dhe pa fakte, rrahjet e nxënësve shqiptar etj, paskan qenë me elemente shqiptare. Përndryshe, po të mos ketë qenë i pranishëm elementi shqiptar në këto projekte, atëherë “patriotët” tanë me kohë do t’i kishin ndalur.

Burimi: Iljasa Salihu

Share/Bookmark
       
   

Sa më shumë që njeriu posedon dije të dobishme

#‎realitet‬
Kam kuptuar se:
Sa më shumë që njeriu posedon dije të dobishme aq më shumë i njeh dhe i vlerson dijetarët !!!
  
Senad Ramadani

Share/Bookmark
       
   

Si luftohet korrupsioni?


Nga paslufta e deri tash duhet të hetohet pasuria e Ministrave,Kryetarëve të Komunave dhe Drejtorëve.Pse?
Paga e Ministrit është e njejtë me pagën e Deputetit (1300 euro + 200 deri 300 euro nga komisionet),por shumica më parë bëhen Ministër se sa që qëndrojnë Deputet.
Dihet,se përfitimet që i ka sa është Ministër,nuk mund ti ketë si Deputet.
Tenderomania,shërbimet që iu ofrojnë biznismenëve dhe afaristëve të ndryshëm bëjnë që një Ministër gjatë mandatit të tij të pasurohet shumëfish.
Njejtë êshtë edhe Kryetarët e Komunave dhe Drejtorët e ndryshëm.


Me respekt,Gëzim Kelmendi
.
Share/Bookmark
       
   

Ta rilexojmë së bashku këtë nënvizim nga "Sekreti"

Të dashurit e mi,

Ta rilexojmë së bashku këtë nënvizim nga "Sekreti":

Kur falënderon sikur ta kesh marrë atë që dëshiron, emiton një sinjal të fuqishëm në Univers.

Sinjali tregon që ti tashmë e ke atë gjë, ngase po tregohesh mirënjohës.

Çdo mëngjes, para se të ngrihesh nga shtrati, bëje zakon të jesh PARAPRAKISHT mirënjohës për ditën fantastike që të pret, sikur ta kishe jetuar tashmë.

Për Ju, me shumë dashuri, Daut Demaku

Share/Bookmark
       
   

Franca nuk e njeh të drejtën për azil për qytetarët e Kosovës

Franca nuk e njeh të drejtën për azil për qytetarët e Kosovës, ndërsa Kosova nuk e njeh të drejtën për një jetë të dinjitetshme për qytetarët e saj. Kësaj i thonë të shpëtosh gjallë pas avarisë së parashutës dhe të biesh pranë luaneshës së uritur!

Burimi: Iljasa Salihu

Share/Bookmark
       
   

Luani është mbret i kafshëve

Luani është mbret i kafshëve. Kurse unë habitem se si disa njerëz duan që luanin ta bëjnë edhe mbret të njerëzve. Ku ta di unë i shkreti, ndoshta dikush nuk e ndien veten si njeri dhe natyrshëm si jonjeri do ta kërkojë mbretin e tij, mbase ky mbret të jetë edhe simbol i shtetit.

Burimi: Iljasa Salihu
Share/Bookmark
       
   

Lejuam të bëhemi dele, ndaj na sundon mbreti luan


Asani, Asllani dhe Luani thonë se luani nuk ka qenë simbol i sllavëve, prandaj simboli i VMRO-s duhet të bëhet stemë e shtetit, sepse kjo parti edhe pak do të del parti shqiptare. Ai paska qenë simbol i shqiptarëve, ndaj edhe kryeministri, një armik i hapur i shqiptarëve, me emfazë e përkrahu këtë simbol shqiptar.
Kjo mendësi është e ngjashme edhe me rastin e projektit vrasës “Skopje 2014”! Lloji i këtyre intelektualëve, nesër do të na mashtrojnë se të gjithë figurat janë figura shqiptare. Haj medet haj për kokat tona të ndritura, të cilët po prodhojnë vetëm terr!

Burimi: Iljasa Salihu

Share/Bookmark
       
   

Shiko gjeje veten në njërin nga këto shtatë grupe:

Shiko gjeje veten në njërin nga këto shtatë grupe:
Muhamedi alejhi selam ka thënë: “ Janë shtatë grupe që Allahu do t’i fusë në Hijen e Arshit të Tij në Ditën e Gjykimit, ditë në të cilën nuk do të ketë hije tjetër veç Hijes së Tij:
1. Udhëheqësi i drejtë,
2. I riu që është rritur duke adhuruar Allahun e Plotfuqishëm,
3. Njeriu që zemrën e tij e ka lidhur me xhaminë,
4. Dy njerëz të cilët janë dashur për hir të Allahut, që janë takuar për këtë dhe janë ndarë për këtë,
5. Ai djalë që është thirrur nga një grua e bukur dhe me pozitë (për të kryer marrëdhënie me të ), por thotë: ‘I frikësohem Allahut’,
6. Personi që jep për bamirësi dhe e fsheh, saqë dora e tij e majtë nuk e di se çfarë jep e djathta dhe
7. Personi që e kujton Allahun në vetmi dhe sytë e tij lotojnë”.
(Buhariu dhe Muslimi)


Burimi: Senad Ramadani


Share/Bookmark
       
   

Një varrmihës i ndershëm të paktën


Thonë se politikani duhet të jetë i ndershëm. Po të njëjtit njerëz pastaj thonë se nëse është politikan nuk mund të jetë i ndershëm! Nuk e di se përse këto dy fjalë të jenë zëvendësuese të njëra-tjetrës dhe jo plotësuese njëra për tjetrën? Kur do ta bashkohen këta që vetëm si të bashkuar mund të jenë në jetë? Ndershmëria është shpirti, kurse politikani është trupi. Është vërtetuar se po nuk e varrosëm kufomën, ajo do të kundërmojë erë shumë të rëndë. Prandaj, ti varrosim ata që u mungon ndershmëria-shpirti, sepse ata kanë vdekur. Të paktën t’i nderojmë me një varr të çelur prej varrmihësve të ndershëm!

Burimi: Iljasa Salihu

Share/Bookmark
       
   

Disa mënyra për të kuruar diabetin


Shkencëtarët parashikojnë se sëmundja e diabetit do të jetë shkaku i shtatë kryesor i vdekjes në vitin 2030.

Kjo ndodh kur pankreasi nuk prodhon insulinë të mjaftueshme për të marrë sheqer jashtë qarkullimit të gjakut ose kur trupi nuk mund ta përdorë në mënyrë efektive insulinën që ajo prodhon.

Shkencëtarët pohojnë se dietat me bazë bimore përmirësojnë nivelin e sheqerit në gjak, duke ndikuar pozitivisht tek të prekurit nga diabeti.

Kalimi në një diete vegjetariane mund t’ju ndihmojë të kuroni apo të mbani larg diabetin. Miliona njerëz përpiqen të luftojnë këtë sëmundje vrasëse, duke i qendruar larg konsumimit të mishit.

Studiuesit theksojnë se yndyrnat shtazore mund të ndihmojnë për të kuruar gjendjen e pacientit. Ndryshimet në dietë mund të përdoren si një trajtim alternativ për diabetin e tipit 2.

Një analizë e studimeve të mëparshme zbuloi se dieta vegjetariane, ndihmon për të përmirësuar ndjeshmërinë e insulinës. Për njerëzit më diabet të lartë rreziqet janë dhe më të mëdha, të cilat lidhen me dëmet nervore, problemet e syrit dhe sëmundjet e zemrës.

Individët të cilët janë me sëmundje të diabetit nuk duhet të konsumojnë në mënyrë absolute produktet e mishit, pasi kanë nivel të lartë yndyrnash.

Dr. Neal Barnard, i Universitetit George Washington, të Shkencave të Mjkësisë dhe Shëndetit këshillon se është më e lehtë të ndiqet një dietë me bazë bimore se sa kura me ilaçe. Me një dietë bimore mund të kuroni sëmundjen tuaj një herë e përgjithmonë. “Efektet anësore” të kësaj diete janë të dobishme, pasi njerëzit humbasin peshë, tensioni i gjakut përmirësohet dhe nivelet e kolesterolit pësojnë rënie. Por ajo ç’ka është më e rëndësishmja sipas tij është heqja dorë nga rutina e lodhshme e ilaçeve, si dhe nga injektimi i insulinës.
Sipas Organizatës Botërore të Mjekësisë në të gjithë botën janë 347.000.000 njerëz të prekur nga diabeti.







Share/Bookmark
       
   

Zani i zemrës- Filip Shiroka - Analiza


Zani i zemrës i Filip Shirokës është një prej veprave që përfshihen në kolanën Visare të letërsisë shqiptare.

Filip Shiroka është nga ata patriotë, i cili rrëmbeu jo vetëm pushkën, por dhe penën për të mbrojtur të drejtat legjitime të një populli, të cilat po merreshin nëpër këmbë brutalisht.

Ndjenjat e tij patriotike dhe karakteri i tij i ndershëm dhe i drejtë e lidhën ngushtë me A. Z. Çajupin, që ishte figura më e shquar e lëvizjes atdhetare në Egjipt, shpirti i kolonisë dhe i lëvizjes atdhetare të shqiptarëve të mërguar atje. Filip Shiroka pati fatin të jetonte në dy epoka historike: në epokën e Rilindjes Kombëtare dhe në atë që nisi pas fitores së Pavarësisë, më 28 Nëntor 1912.

Thelbin e veprës të tij e formojnë idetë e çlirimit kombëtar nga zgjedha osmane dhe ëndrra e lirisë që qe frymëzimi i të gjithë rilindasve shqiptarë.
Share/Bookmark
       
   

Mbreti Lir - Komenti dhe Analiza - William Shakespeare

 
Subjekti :
 
Mbreti Lir eshte mbreti i Anglise. Ai vendos te lere fronin e tij dhe t’a ndaje mes tre vajzave te tij, Gonerilit, Reganit dhe Kordelias. Ai I vendos ato para nje prove ku do te shihte se cila nga vajzat do ta donte me shume. Dy vajzat e medha  nisin ta manipulojne me fjale, ndersa Kordelja, vajza e vogel thote se ajo e do babain e saj ashtu sic do femije. Prandaj ai nuk I jep asaj nga tokat e veta, por e mallkon  dhe  e debon ate nga shtepia. Nderkohe  Kordelja shkon ne France pasi mbreti I Frances ishte ne dashuri me te. Me pas  Liri e kupton se c’gabim te rende kishte bere pasi dy vajzat e debojne nga shtepia dhe e lene ne shi.
Nderkohe  Konti I Glosterit  ka gjithashtu probleme familjare. Djali I tij I madh, Edmundi, eshte I adaptuar . Ai nuk e pranon dot kete dhe thur nje intrigue sikur djali tjeter , Edgari do te vrase babane e tyre. Ndaj Glosteri e debon Edgarin dhe mban prane vetes Edmundin. Kur Glosteri merr vesh qe Lirin e kane braktisur te bijat, e ndihmon ate. Regan dhe I shoqi I saj ,  e masakrojne per kete, dhe ai perfundon serisht tek Edgari, ku shkoi dhe Liri.
 
Nje ushtri franceze niset kundra Anlgise, e kryesuar nga Kordelja. Edmundi lidhet me dy motrat, dhe Albani, I shoqi I Gonerilit eshte shume I shqetesuar rreth ceshtjes se Lirit, dhe per pasoje ate e vrasin. Nderkohe ushtria e Kordelias mundet dhe ajo dhe I ati mbahen peng. Nga ana tjeter ushtria angleze e Edmundit dhe motrave thyhet nga ajo e Edgarit. Glosteri tenton te vrase veten, Edgari vret Edmundin, Gonerili vret motren e saj per shkak te xhelozise ndaj Edmundit dhe me pas kryen vetevrasje , Glosteri vdes, Kordelja ekzekutohet dhe Liri vdes I thyer n zemer me trupin e saj nder duar.
 
Personazhet:
 
Mbreti Lir -  ka nje karakter te dyfishte e kontradiktor ku spikasin: despotizmi mizor me humanizmin e thelle, mendja cinike me ate plot kureshtje, dyshimi me pastertine shpirterore. Ai eshte nje karakter qe eshte formuar nen ndikimin e raporteve te caktuara shoqerore. Edhe ne moshe te madhe, mbreti ka nje krenari te tepruar, e vetem me dinakeri mund t’ia fitosh zemren. Kjo ka ndikuar keq e ne edukimin e vajzave , dhe vete Shekspiri thote keshtu. Edhe ato jane impulsive e I binden mbretit sa per sy e faqe, dhe kur u cenohet interesi  bejne veprime ekstreme. Mbreti Lir vetem kur mbetet jashte kupton te verteten. Ai peson nje goditje te tmerrshme, saqe cmendet. Gjate zhvillimit te ngjarjeve ndryshon dhe mendimi I lexuesit per mbretin. Ne fillim mbreti duket sikur I intereson me shume aparenca se  e verteta. Kordelja eshte vazja e tij e preferuar ne fillim, dhe ai ndoshta e di qe ajo e do me shume, por nuk mund ta pranoje pergjigjen e saj indiferente. Me vone ai meson nga gabimet e tij.
 
Kordelja – Karakteristikat e saj jane bukuria fizike e shpirterore, ndershmeria, perkujdesja, dashuria etj. Ajo kontraston me karakteret e dy motrave. Ajo eshte personifikimi I virtytit, dhe nga ana tjeter nje viktime e pafajshme e padrejtesive te botes.
 
Edmundi – eshte antagonisti I tragjedi. MEgjithate karakteri I tij eshte kompleks, pasi ai nuk vepron vetem per interesa te tipit dedhira per pushtet, ambicja per sa me shume, por sepse nuk mund te lejoje qe shoqeria ta shohe si nje bastard, sic e cilesoi dhe vete babi I tij. Ai eshte shume I ftohte, porsi dhe shoqeria  ka trajtuar ate, dhe vetem ne fund te tragjedise shfaq nje shenje dobesie, kur sheh qe Gonerili dhe Regani kishin vdekur per te.
 
Regan dhe Gonerili- jane personazhe negative. Ne fillim ato duken te zgjuara, aq te zgjuara sa t’ia hedhin babait te tyre. Me pas ato tregohen te pashpirta dhe shume ambicioze, te pangopura. Nuk kane meshire as kur perzene babain e tyre dhe as kur verbojne Glosterin. Ne fund ato duan te kenaqen me Edmundin, por e keqja I kthehet mrapsht duke I vrare ato te dyja nga duart e njera tjetres.
 
Temat :
 
Drejtesia  
 
Autoriteti kunder kaosit – Liri s’eshte vetem nje baba, por edhe nje mbret. Ai ia le trashegim fronin e tij vajzave, por nga ana tjeter kjo qeverisje I sjell kaos Anglise.
 
Pajtimi – Edhe pse Liri e deboi Kordelia, ajo vazhdoi ta doje babain e saj dhe madje ta mbroje ate. Edhe 
Liri I cili u tregua aq I ashper me te, u lidh me shume se me cdo njeri tjeter.
Motivet :
 
Çmenduria -  Nga vuajtet  dhe tronditjet e medha, Liri cmendet dhe kjo cmenduri e shoqeron tere tragjedine.Personazhit te tij tragjik I bashkangjitet dhe persnazhi komik I Lolos. Nen pamjen e tij qesharake fshihet nje dituri e urtesi dhe nje zemer e madhe. Ai misheron urtesine popullore dhe e sheh jeten me sy te mprehte dhe e di te verteten.
 
Tradhetia – fillimisht mes femijeve dhe babait, dhe vellait me villain. Ne marredhenien e Kordelias dhe te atit forcohet ideja qe zemra e tradhetise eshte  mospasja e  nje gjykimi te drejte.
 
Simbolet
 
Shiu dhe shtrengata e madhe - simbol I krimit me te tmerrshem : uzurpimi I pushtetit dhe mosmirenjohja ndaj prindit. Ky krim I dyfishte ka prishur gjithe ekuilibrat natyrore mbi te cilet ngrihet jeta shoqerore dhe ajo individuale. Gjendja shpirterore e mbretit te shperfillur jepet pikerisht me kete shtrangate. Ajo mund te jete gjithashtu simbol I natyres qe I ben thirrje mbretit te shohe te vertetat, simbolizon drejtesine hyjonore qe eshte e thyer nga veprimet e njerezve, por edhe gjendjen ne te cilen Liri po le vendin e tij.
 
Verbimi -  verbimi fizik I Glosterit eshte gjithashtu metaforik. Si ai si Liri kane te dy femije te ndershem dhe te pandershem , dhe ata jane te verbuar per sa kohe nuk shohin te verteten, por mbajne anen e te keqinjve. Ato jane te verbuar nga fjalet, dhe nuk mund ta shohin te verteten .
 
Mesazhet :
Ajo percjell ide humaniste. Liri nis te ndieje dhimbje per te varfrit dhe urrerjte e zemerim te thelle kunder krimineleve, hipokrizive dhe sistemit shoqeror. Fataliteti I pashmangshem e heronjve  lidhet me denimin e tyre per te ikur nga bota e se keqes qe u solli aq shume vuajtje sa qene gjalle. Kjo tragjedi eshte kunder erresires se despotizmit te kishte pushtuar Europen ne Rilindjk, dhe kjo shfaqet me kundershtimin e hapur ndaj mbretit te Kordelias dhe Kentit. Ne fund ka shprese dhe kjo jepet me fjalet “Ju miq te dashur, te dy tok sundoni, Dhe rregullojeni shtetin e percare.”


Shkruar nga Sara Shiku




Share/Bookmark
       
   

Shumë zhurmë për asgjë - William Shakespeare - Analiza

Komedia Shume zhurme për asgjë i përket periudhës së pjekurisë së Shekspirit dhe futet në llojin e komedisë së zakoneve, me subjekt satirik dhe problemor. Motivi në të cilin mbështet kjo komedi është i njohur që në Antikitet dhe rishfaqet në mjaft autore të kohës së Shekspirit : ai njihet si motivi i "kipcit" ose i ngatërresës që vjen si pasoje e ngjashmërisë fizike mes dy personazhesh të ndryshme. Në komedinë e Shekspirit "ipci" shkakton rënien në kurth të djaloshit, i cili mashtrohet nga një grua që për nga pamja ngjan si e dashura e tij. Fabula pastaj shtjellohet nga Shekspiri krejt lirshëm dhe në përshtatje me shijet e tij estetike. Dy djelmosha, Benedikti dhe Klaudi, ndodhen për vizite të guvernatori i Mesinës, princi Leonato që është babai i Heros dhe xhaxhai i Beatricës. Ndërsa Klaudi bie në dashuri me vajzën e guvernatorit dhe përgatitet të martohet me të, Benedikti dhe Beatricja nuk rreshtin se ngacmuari e se talluri me njeri-tjetrin, here më të mirë e herë më të keq. Miqtë e tyre vendosin t'u punojnë një rreng, në mënyre qe t'i bëjnë të bien në dashuri dhe këta të dy. Si të gjitha komeditë e Shekspirit, Shumë zhurme për asgjë është e mbushur me veprim dhe me të papritura, me kthesa të befta të subjektit. Ndryshe nga tragjedia, këtu të mirët shpërblehen kurse te ligjtë marrin ndëshkimin e merituar : ndërkohe dy çiftet vene kurore të lumtur, dy prishësit e kësaj feste ndëshkohen siç e meritojnë. Ama ndëshkohet gjithashtu edhe mendjelehtësia e Klaudit, i cili për një dyshim te çastit e flaku tutje si lecke të zgjedhuren e zemrës, për çka ai nuk e fitoi simpatinë e spektatorit. Tërheqes deri në fund mbeten "grindavecet" e lumtur Beatricja dhe Benedikti të cilët jo vetëm e mbushin me hare spektaklin me batutat e tyre të kripura, por tregojnë se në rast nevoje dinë të jenë serioze dhe të përkushtuar në miqësi, përderisa i dalin zot me të gjitha mjetet që kanë në dorë Heros së poshtëruar. Po prapë nuk duhet bërë shumë zhurme, se jeta kështu e ka : djemtë teveqele gjithmonë marrin vajzat më të mira. Ata jetuan te lumtur ne fundit mbeten gjithmone te qeshur.
Share/Bookmark
       
   

Mësimi 2 - Llojet e qelizave - Mësime nga Biologjia


Share/Bookmark
       
   

Mësimi 1 - Qeliza - Mësime nga Biologjia


Share/Bookmark
       
   

Dështimet dhe tradhëtitë e mëdha të z. Thaçit

Dështimet dhe tradhëtitë e mëdha të z. Thaçit, assesi nuk ia arsyetojnë veprimtaritë politike z. Rugovës dhe nuk mund ta bëjnë hero Ibrahim Rugovën. Nxënësi që i merr gjitha notat dysha, assesi nuk mund ta arsyetojë nxënësin që i ka gjitha notat tresha. Si njëri ashtu edhe tjetri nuk i kanë punët mirë dhe assesi nuk mund ta përligjin njëri-tjetrin!

Burimi: Iljasa Salihu

Share/Bookmark
       
   

Në ditën e drurit, shqiptarët e Maqedonisë duhet ta kujtojnë rrëfenjën

Në ditën e drurit, shqiptarët e Maqedonisë duhet ta kujtojnë rrëfenjën kur mali ia kishte dhënë bishtin sëpatës dhe pastaj sëpata e kishte bërë lesh të shprishur malin. Shqiptarët ia dhanë votat atyre që i ngjajnë shumë drunjve dhe pastaj pranuesit e votave e trajtësuan në lesh të shprishur jo malin, por kulturën dhe moralin tonë.

Burimi: Iljasa Salihu

Share/Bookmark
       
   

Gazetaria zanat që mësohet!


Parimi se gazetaria duhet mësuar, se nuk është racionale të lejohet që gazetari të formohet vet, rastësisht me ndihmen e praktikës tepër të zakonshme - është parim jetik dhe ai gjithnjë e më shumë do të imponohet në masën sipas të cilë gazetaria edhe në Itali do të bëhët industri gjithnjë më e ndëlikuar dhe organizëm qytetar përherë e më i përgjegjshëm. (Antonio Gramshi)

Burimi: Fahri Musliu

Share/Bookmark
       
   

Sa shumë që vuan koshi i plehrave për disa


Më neveritin ata që përmes metodave të konspiracionit, hiqen se po dinë shumë, dije që shpon edhe kodrat e gjera, kuptohet pa ofruar fare argumente. Thjesht, këta përrallisin, por nuk e dinë, ndaj edhe hiqen se po dinë shumë. Ata nuk ofrojnë argumente, jo pse nuk duan, por sepse nuk kanë, ndaj edhe thonë se do të vjen koha kur do të dëshmohen se paskan pasur të drejtë. Këta nuk janë gjë tjetër, pos njerëz që orvaten për ta shkatërruar çdo vlerë, edhe pse në sytë tanë thonë se po përpiqen për të mirën e shoqërisë!

Burimi:Iljasa Salihu

Share/Bookmark
       
   

13.000 njerëz në Britani janë viktimë e

13.000 njerëz në Britani janë viktimë e trafikimit me njerëz, shfrytëzimit seksual, apo mënyrave tjera të Skllavërisë Moderne !!!
"Në Europën e civilizuar"

Share/Bookmark
       
   

Pse po nënçmohemi !?

Pse po nënçmohemi !?

Nënçmimi dhe poshtërimi nuk formohen vetëmse si shkak i pranimit të sajë nga të nënçmuarit.
Ky pranim është ajo në të cilën mbështeten dhe veprojnë zullumqarët.
|Seid Kutb|


Burimi: Senad Ramadani

Share/Bookmark
       
   

Aty ku gjenden njerëzit e mirë, të drejtë dhe të aftë

Aty ku gjenden njerëzit e mirë, të drejtë dhe të aftë, nuk mund të jenë njerëzit debilë, tuhafë dhe injorantë. Prandaj, nëse sot njerëzit e mirë ankohen për gjendjen e keqe, atëherë është mirë ta pyesin veten se përse heshtën, përse ia futën gjumë dhe përse u mërdhinë në kohën kur punohej dhe vendosej për dërgimin e njerëzve nëpër institucione të rëndësishme? Shkaku i prapambetjes sonë shumë lehtë mund të kuptohet. Po të mendonin dhe punonin me kohë intelektualët, nuk do të qeveriseshin prej atyre që sot gjithkush po ankohet dhe po rënkon. Për më keq, lëre se intelektualët tanë u fshehën nën sqetullën e parruar dhe të djersitur të majmunit, por ata në pamundësi të veprimit në fushëbetejë, pranuan vasalitetin ndaj injorantëve, prej të cilëve po ankohen vetëm përgjatë bisedave pasdarke, sepse haptas as të ankohen nuk po guxojnë.

Burimi: Iljasa Salihu

Share/Bookmark
       
   

Hajdutët nuk mundën t’i largojnë prej pushtetit, ndaj e larguan veten prej shtetit


Punëtorë të prodhimit të papunësisë janë elitat politike, pasojat e të cilëve njëherë për njëherë po i bartë një pjesë bukur e madhe e shoqërisë. Në pamundësi të kësaj bartjeje dhe shporrjes së kësaj elite prej pozitave të rëndësishme, shoqëria e shporri veten prej vendlindjes. Në gjithë këtë mishmash, nuk mund të thuash se fajtorë të vetëm janë elitat politike, por edhe ata që i sollën këto elita në pushtet, si dhe ata që në mungesë të guximit dhe gatishmërisë për t’u ballafaquar me të keqen, zgjodhën punën më të lehtë dhe njëherësh më të vështirë; mërgimin.

Burimi: Iljasa Salihu

Share/Bookmark
       
   

I mençuri nuk dëgjon fjalët e njerëzve për njerëz ngase...

“I mençuri nuk dëgjon fjalët e njerëzve për njerëz ngase gjoksi i tij është më i ngushtë sesa të durojë urrejtjen e të gjithëve. I Dërguari i Allahut, s.a.v.s, ka thënë: “Mos të më lajmërojë askush për dikë gjë (që shkakton armiqësi) ngase unë dua të dal gjoksgjerë.” Et Turejfi
Share/Bookmark
       
   

NËN LULE GJEMBI APO MBI GJEMBIN LULE?


Ankohemi se Allahu ka bërë nën lule gjemba, por më mirë është ta falënderojmë që mbi gjembin ka bërë lulen!!!
Një person thotë: Kam menduar gjatë, kur shoh veten të zbathur falënderoj Allahun, sepse ka të tillë qe nuk kanë këmbë fare.
Më thuaj për Allahun sa njerëz kanë dëshirë të posedojnë makinën, shtëpinë, celularin, diplomën, punën tënde, etj., etj.
Sa njerëz ecin zbathur ndërsa ti ecën me makinë?
Sa njerëz flenë pa kulm mbi kokë, ndërsa ti fle në shtëpinë tënde?
Sa njerëz ëndërrojnë të shkollohen, ndërsa ti posedon diplomë?
Sa persona janë të papunë, ndërsa ti punon?
Sa, sa, sa, sa, sa?!
I shtojnë ankesat e të godasin brengat; falënderoje Allahun e gjen lumturinë.

Përshtati: Hoxhë Valdet Kamberi

Share/Bookmark
       
   

Nëse dështon në realizimin e ëndrrave tuaja

"Nëse dështon në realizimin e ëndrrave tuaja ndërro mënyrat por mos ndërro parimet, sepse drunjtë i ndërrojnë gjethet por jo edhe rrënjët".
‪#‎vetëzhvillim‬

Burimi: Bekir Halimi

Share/Bookmark
       
   

Njeriu më i mirë është ai që ka pesë cilësi:

Njeriu më i mirë është ai që ka pesë cilësi:
- Të jetë i angazhuar me adhurimin e Zotit të tij.
- Të jetë e dukshme dobia e tij për njerëzit.
- Të jenë njerëzit të sigurt prej të keqes së tij.
- Të mos shpresojë në atë që është në dorë të njerëzve.
- Të jetë i përgatitur për vdekjen.


Burimi: Valdet Kamberi

Share/Bookmark
       
   

Filani ka deviju

Filani ka deviju.

Kjo ndodh për shkak të njërës nga dy gjërat:
1- Nuk ka kërku nga Allahu ta forcojë në ketë rrugë. Duke menduar se vet ja arrin këtij qëllimi.
2- Ose nuk e ka falënderu Allahun për atë mirësi që kishte. Duke mendu se kjo mirësi është aftësi personale.
(Shejh Bin Bazi)

Burimi: Lulzim Susuri

Share/Bookmark
       
   

A nuk mundet dikush prej jush të lexon një të tretën e Kuranit gjatë natës?

Pejgamberi, sal-lallahu alejhi ve sel-lem, ka thënë:
A nuk mundet dikush prej jush të lexon një të tretën e Kuranit gjatë natës?
I thanë: po si mundet ta lexojë një të tretën e Kuranit?
Tha: e lexon 'kul huvallahu ehad' (suren el-Ihlas), e cila vlen sa një e treta e Kuranit". Muslimi
‪#‎hadithe‬
Share/Bookmark
       
   

Falë Zotit që dokrrat e pronarëve të prodhimtarisë së dokrrave po dalin në shesh nga dita në ditë.

Falë Zotit që dokrrat e pronarëve të prodhimtarisë së dokrrave po dalin në shesh nga dita në ditë. Njëri që zbuloi ujin e ngrohtë, duke thënë se Titoja kishte prejardhje shqiptare dhe tjetra që paraqitet prej kohësh raciste e hapur gjoja në emër të shqiptarisë, mitologjinë po na e paraqesin si shkencë dhe njëherësh si model jete. Ec e mos u shtri barkas së qeshuri! Sidomos, kur si model na paraqesin Zanat e Malit, ha, ha, ha! Tani i bie që të jetojmë nëpër male të zbuluara, lakuriq vetëm me një gjeth lajthie të varur në bel, sepse mbulimi na qenka arabizëm, ha, ha, ha! Paramendoni se në çfarë foshnjërie thërrasin disa “intelektualë” dhe politikanët tanë. Thonë që fjalën e Zotit ta shporrim për hir të mitologjisë shqiptare, Zanave të Malit, ha, ha, ha! Vërtetë, kujt i është dhënë udhëzimi i është dhënë një begati e madhe dhe vaj halli për ata që ende jetojnë me mitologjinë.

Burimi: Iljasa Salihu

Share/Bookmark
       
   

Festa e Flamurit në Prishtinë për herë të parë domethanëse edhe pa petarda

Festa e Flamurit në Prishtinë për herë të parë domethanëse edhe pa petarda. Urime fillimin e rrugës drejt një vetëdijësimi të mirëfilltë kombëtar edhe kulturor.

Burimi: Fisnik Ismaili

Share/Bookmark
       
   

Sado i dëshpëruar të jem këtë ditë, sepse festa e sotme nuk përkon me realitetin tonë

Sado i dëshpëruar të jem këtë ditë, sepse festa e sotme nuk përkon me realitetin tonë, kur dihet se kjo festë do të duhej të më gjente i lirë, me kryeministrin tim shqiptar, me gjuhën time zyrtare shqipe, me lirinë e përdorimit të flamurit tim kombëtar, mua që të gjithë këto më mungojnë, me zemër të thyer, por krenar, sepse kam arritur të paktën ta kuptoj realitetin dhe të guxoj ta shpreh atë, ia uroj festën e 28 nëntorit. Dhëntë Zoti që dita nesërme të jetë më e mirë se dita e sotme dhe dita e sotme të jetë më e bukur se dita e djeshme.

Burimi: Iljasa Salihu

Share/Bookmark
       
   

Biznesi i ilaçeve krijon sëmundje të reja mendore



Është historia e gjigantit që ha fëmijët e tij.

Shtetet e Bashkuara të Amerikës, në emër të “Perëndisë” së konsumit të paskrupullt, të mirëqënies me çdo kusht, dhe Big Farma-s, lobi i lobeve (226.000.000 $ investuar vitin e kaluar përkundër 153 në sigurimet e planetit, 144 në naftë dhe gaz e 141 në internet), kanë futur një dogmë të re në mendjet e qytetarëve: ilaçit psikiatrik, kapërdije poshtë dhe ai të “ngre” lart, por askush nuk thotë se sa dëm të bën. Jepet edhe në qoftë se ju ngordh qeni apo macja, për të kapërcyer dhimbjen.

Viti 1988 është viti kur filloi epoka e ilaçeve kundër depresionit: Eli Lilly ofron për shitje Prozac-un (i cili në Evropë do të fillojë të përhapet në mesin e viteve nëntëdhjetë). Menjëherë mbërrin pjesa tjetër e antidotit kundër paranojës, instinktit të vetëvrasjes, çrregullimit bipolar, haluçinacioneve, atakut të panikut, ankthit, iluzioneve, manive të ndryshme e çdo rasti tjetër.

Perandoria Liberale i administron ato si “bukë për gjellë”, me spote publicitare në TV që premtojnë sukses në jetë dhe lumturi të përjetshme në çmimin e pilulave magjike. Dhe rezultati, që shkakton jep mornica, duket sheshit: një në pesë amerikane sot merr të paktën një psiko-medikament, duke përfshirë ilaçet kundër depresionit, neuroleptiket dhe gjithashtu anksiolitikët. Tendencëa shpërtheu në një ritëm rekord: 25 vjet më parë, vetëm një amerikan në njëqind mbushej me molekula të këtij lloji. Madje edhe fëmijët janë bërë objektiv ideal për trajtimin e humorit: më shumë se dhjetë për qind e atyre që janë tashmë në shkollë kanë qenë të diagnostikuar me çrregullim të deficitit të vëmendjes (ADHD), dhe gjysma e këtyre mjekëve japin në receta tableta.

BIZNESI I ilaçeve psikoaktive përtej oqeanit është me vlerë rreth 35 miliardë dollarë në vit. Një minierë ari për kompanitë farmaceutike. Një ushqim që bie nga qielli, por jo në mënyrë të rastësishme. Mjafton në fillim të shpikësh një përbërës të ri aktiv (nganjëherë jo edhe aq i ri, ndryshon përbërjen dhe ja, loja u krye), dhe më vonë, në bazë të patentës, të prodhojë sërish një tjetër sëmundje nervore, dhe kështu mijëra pacientë që vihen ne lëvizje nga instinkti i mbijetesës (ose të dashurit e tyre) do t’u besojnë psikiatërve, të cilët nga ana e tyre udhëzohen të imponuar prej industrisë së ilaçeve.

Bibla e Referencës është Manuali i Statistikave të çrregullimeve mendore, botuar nga Shoqata Amerikane Psikiatrike (APA) dhe tani në edicionin e tij të pestë, i cili përmbledh simptomat e brezit të vjetër dhe të ri, duke zgjeruar lidhjet e gjendjes së sëmurë. “ Ai që dikur ishte një ndryshim i thjeshte i humorit i shkaktuar nga ardhja e menstruacioneve, sot, në DSM 5, është zyrtarisht një çrregullim”, thotë Robert Whitaker, një gazetar nga Bostoni, i njohur në të gjithë botën për hetimin në librat e tij mbi skandalin e sëmundjeve të krijuara “në tavolinë” dhe efektet e dëmshme të barnave psikotrope, domethënë “I çmendur në Amerikën” e 2001 dhe “Anketa e një epidemie: Rritja e jashtëzakonshme në aftësitë e kufizuara psikiatrike në epokën e bumit të drogave psikiatrike”.

“Një person, vazhdon gazetari, po vuan nga depresioni nëse pas dy javësh nga vdekja e një anëtari të familjes tregon shenjat e trishtimit. Edhe harresa tek të moshuarit është sqaruar si një çrregullim. Simptomëe e çrregullimeve mendore është edhe rrezimi i lëkurës. Por gjëja më e tmerrshme është se në vitin 1980, në dalje të versionit të parë të manualit, gjëndja e ankthit të butë dhe depresionit janë transformuar në çrregullime mendore për t’u çrrënjosur vetëm nëpërmjet ilaçit. “Një nga arsyet e suksesit të madh, sipas Whitaker, “është bashkëfajësia mes bluzave të bardha dhe kompanive farmaceutike, e cila gjithashtu përkthehet në kompensim monetar për të parët, në bazë të dozimit që janë në gjendje të përcaktojnë në recetë, ose kur zbulojnë simptoma të reja dhe diagnoza të tjera “.

Një taktikë e hollë që mund të prangosë “pacientin”, të përkeqësojë kushtet e shëndetit dhe të shkaktojë efekte anësore zinxhir. “Një hulumtim amerikan mbi ata që marrin antidepresantë thotë Whitaker, tregon se ka një rrezik gjashtë herë më të madh që ato të mbeten në depresion se sa ata që nuk I ndjekin kurat. Sipas një studimi të kryer në Kanada, probabiliteti i rënies në siklet është madje i dyfishtë. Ilaçet kundër depresionit mund të shkaktojnë episode maniakale e në atë pikë, është diagnostikuar tek individi një çrregullim bipolar”. Një shembull tjetër: “Një (SSRI) frenues selektiv i rikapjes së serotoninës, në teori duhet të rrisë nivelin e serotoninës në tru. Kjo është e vërtetë në afatshkurtër, por në afatgjatë sistemi nervor prodhon më pak serotoninë për të kompensuar praninë e molekulës. Dhe në fund dëmton funksionin natyror të neurotransmetuesve”.

/Il Messaggero/
Share/Bookmark
       
   

Sëmundjet më misterioze në botë



Ekzistojne njerez te cilet vuajne nga semundje shume te rralla, per te cilat shume pak njerez mund te kene degjuar diçka, qe nga sindroma e Lizes ne boten e çudirave qe mund te kete qene burim frymezimi per Lewis Carroll, deri tek semundja qe mund te kete çmendur nje mbret anglez. Ekzistojne shume semundje te erreta qe nga shume njerez as qe imagjinohen…


Morgelon

Sipas Fondacionit te Kerkimeve rreth Morgelonit, rreth 14.000 persona ne te gjithe boten vuajne nga ndjesia e zvarritjeve, pickimeve, djegjes, kruajtjes dhe shperthimi i fibrave te çuditshme blu, te zeza dhe te kuqe qe karakterizojne kete semundje. Kjo semundje gjithashtu shoqerohet ne shumicen e rasteve me rraskapitje, humbje te perkohshme te kujteses, dhimbje nyjesh dhe ndryshime te imazheve vizuale. Ky grupim simptomash u quajt Morgelon ne vitin 2002, nga nje nene e cila besonte se djali i saj dy vjeçar vuante nga kjo semundje. Emertimi vjen nga shek. 17, kur ne France u shfaq nje gjendje e çuditshme e lekures dhe kur femijet vdiqen ne menyre misterioze, pasi i kishin dale “floke te zinj”. Megjithate, ka nje debat shume te gjere rreth faktit, nese kjo gjendje e lekures ekziston me te vertete. Shumica e doktoreve besonin se kjo semundje mund te ishte nje forme iluzioni, gjate se cilit te semuret besonin se ishin te infektuar nga nje lloj paraziti. Ne kete menyre, fibrat qe shfaqeshin ne menyre misterioze ne lekure mund te ishin thjesht ekzema apo zgjebe. Qendra e Kontrollit dhe e Parandalimit te Semundjeve ne Shtetet e Bashkuara ka pranuar kohet e fundit se duhet bere nje kerkim shkencor intensiv rreth kesaj semundjeje te pashpjegueshme dhe qe po prek gjithnje e me shume njerez.


Progeria

Progeria eshte nje semundje e lindur, pra nje difekt apo dem i fetusit. Te prekurit nga kjo semundje vdekjeprurese kane nje pamje rrenqethese, si pasoje e plakjes se parakohshme dhe zakonisht vdesin ne moshen 13-vjeçare. Vonesa e thelle e rritjes fillon qe ne periudhen 9 ose 24 mujore dhe çon drejt zhvillimeve anormale te fytyres si per shembull nje fytyre e vogel joproporcionale, fryrje, sy te dale dhe nofull te pazhvilluar.
Deri ne moshen 2-vjeçare bien te gjithe floket, vetullat dhe qerpiket. Organizata Kombetare e Çrregullimeve te Rralla (NORD) e Shteteve te Bashkuara ne nje raport ka thene se te semuret humbasin te gjithe shtresen yndyrore poshte lekures dhe me kalimin e kohes elasticiteton ne muret arteriale, duke shkuar keshtu drejt atakut kardiak apo infarktit qe ne moshe shume te vogel ne 90 perqind te rasteve. Simptomat e kesaj semundjeje jane te njejtat me ato te plakjes qe ne njerezit normal vjen gradualisht dhe per nje kohe shume te gjate. Femijet me progeria zakonisht vuajne nga semundje qe prekin moshat e medha dhe qe shkaktojne vdekje ne te gjithe boten siç jane ato kardiovaskularet. Ne shumicen e rasteve ata vuajne nga hipertensioni, ataket kardiake, zemer e zmadhuar etj., te cilat jane raste qe lidhen ngushte me plakjen.


Alergjia e Ujit

E njohur se ka infektuar vetem 30 persona deri ne ditet e sotme, alergjia e ujit ose “aquagenic urticaria” eshte nje rast ekstremisht shume i rralle semundjeje, por ekzistenca e saj eshte konfirmuar nga Bordi i Mbikqyrjes Mjekesore. Te prekurit duket se kane alergji nga uji. Zakonisht ky çrregullim shfaqet ne etapat e vona te jetes dhe shpesh si nje pasoje e çekuilibrit hormonal qe pason lindjen tek femrat. Nje rast i tille eshte evidentuar ne Britanine e Madhe ne prill te ketij viti, duke bere qe nje nene 21-vjeçare ta kishte te pamundur te pinte uje apo ta zinte shiu ne rruge, pasi lekura e saj zhvillonte menjehere nje djegje jashtezakonisht te dhimbshme. Ajo mund te lahet maksimalisht 10 sekonda çdo jave dhe mund te pi vetem Koka Kola dietike. Rasti i saj nuk eshte teresisht alergji, por me teper nje ndjeshmeri e larte ndaj joneve qe ndodhen ne ujin e pa distiluar.


Sindroma e theksit te huaj

Ata qe vuajne nga sindroma e theksit te huaj e gjejne veten, duke folur ne menyre te pashpjegueshme ne nje dialekt te panjohur. Jane regjistruar vetem 60 raste te ketij fenomeni shume misterioz. Ne fillim, doktoret e shpjeguan ate si problem psikiatrik por ne vitin 2002, shkencetaret e Universitetit te Oxfordit ne Angli, zbuluan se te prekurit nga kjo semundje kishin te njejtat anomali ne tru qe i shkaktonin rritje te zerit ne bisede, zgjatjen e zanoreve dhe shume çrregullime te tjera. Sipas gazetes se “Neurolinguistikes”, te semuret nuk duhet qe domosdoshmerisht te njohin theksin qe ata perdorin. Zeri i tyre i ri nuk flet me doemos me nje theks te huaj, por ndryshimet e tyre ne te folur shpesh ngjasojne me thekse te ndryshme te botes. Rasti i pare i evidentuar ka qene ai i nje gruaje norvegjeze ne vitin 1941, e cila zhvilloi vetvetiu nje theks te forte gjerman dhe si pasoje u izolua nga komuniteti i saj.


E qeshura e vdekjes

E qeshura e vdekjes, me shume e njohur si Kuru, ka qene nje ekskluzivitet i disa njerezve tribale ne Guinene e Re. Kjo semundje, e cila karakterizohet nga shperthimi i papritur i te qeshurave manjake, ka qene tema kryesore e te gjitha gazetave ne vitin 1950 dhe terhoqi doktore nga e gjithe bota. Fizikanet amerikane dhe australiane observuan meshkuj dhe femra me gjymtyre qe i dridheshin, dhe qe qetesoheshin vetem ne gjume. Por, pas nje deri ne tre muajsh te semuret fillonin te tundeshin, ngecnin, te humbisnin aftesine per te qendruar ne kembe apo edhe ulur, t’i kryqezoheshin syte, te humbisnin aftesine e te folurit normal para se te vdisnin. Instituti Kombetar i Çrregullimeve Neurologjike dhe te Goditjeve raportoi se, autopsite e te vdekurve kane evidentuar se vdekjet ishin shkaktuar nga shfaqja e vrimave ne tru te njohura si “swiss-cheesing” (vrimat e djathit). Me pas, fizikanti amerikan Carleton Gajdusek, punoi shume gjate per te gjetur shkakun e kesaj semundjeje te tmerrshme dhe arriti ne konkluzionin se, infeksioni ishte perhapur ne te gjithe fshatin si pasoje e zakonit te tyre makaber qe te hanin pjesetaret e familjes pasi vdisnin. Kur kanibalizmi u eliminua plotesisht, epidemia u zhduk bashke me te. Ne vitin 1976, Carleton Gajdusek u nderua me çmimin Nobel per punen e tij.


Fibrodysplasia ossificans progressiva (FOP)

Ne vitin 1938, kur amerikani Harry Eastlack ishte vetem pese vjeç, theu kemben. Fraktura nuk u ngjit ne menyre adeguate, ijet dhe gjuri i tij u ngriten per lart dhe ne menyre shume te çuditshme iu zhvillua nje rritje shume e madhe kocke ne kofshe. Deri ne moshen 20-vjeçare, shtylla e tij kurrizore kishte filluar te shkrihej dhe te mpiksej ne vetvete. Kur ai vdiq ne moshen 39-vjeçare ne vitin 1973, ishte ne gjendje te levizte vetem buzet e tij. Ai vuante nga fibrodysplasia ossificans progressiva (FOP), nje semundje shume e rralle e cila prek nje ne 2 milion njerez si pasoje e se ciles te gjitha nyjet dhe ligamentet e trupit i nenshtrohen nje lloj metamorfozeje te çuditshme, veçanerisht nje transformim kockash. Çrregullimi eshte i lindur dhe karakterizohet nga nje deformim i gishtit te madh te kembes, i cili eshte i dukshem qe ne lindje. Eastlack e dhuroi skeletin e tij per studime rreth kesaj semundjeje dhe ne ditet e sotme eshte ekspozuar ne Muzeumin Mutter ne Filadelfia. Shoqata Nderkombetare e FOOP-it vazhdon edhe sot e kesaj dite me studime dhe kerkime per kete çrregullim tejmase te çuditshem dhe te rralle.


Sindroma e Lizes ne Boten e Cudirave

Sipas Manualit te Oxfordit te Mjekesise Klinike, te semuret me sindromen e Lizes ne Boten e Çudirave, i perceptojne objektet shume here me te vegjel seç jane ne te vertete. Sindroma, gjithashtu e njohur si pamja micropsia ose Lilipute, mund te ndikoje edhe ne sensing e te degjuarit, prekurit si edhe vete imazhin e trupit. Sindroma shoqerohet gjithashtu me dhimbje koke, migrene dhe eshte emertuar ne baze te librit “Liza ne Boten e Çudirave” te Lewis Carroll, ne te cilin Liza perjeton shume eksperimente dhe ndjesi te çuditshme, te ngjashme me ato qe perjetohen nga te prekurit me semundjen e micropsias. Fakti qe Caroll vuante nga migrena eshte e mire dokumentuar dhe shume njerez spekullojne se ai mund te kete vuajtur vete nga kjo semundje, gje qe e ka lehtesuar mjaft punen e tij.


Porphyria

Urina dhe jashteqitja lejla e bejne semundjen porphyria shume te neveritshme dhe te turpshme. Prophyria te çon drejt komplikacioneve ne prodhimin e “heme”, nje proteine vitale per qelizat e kuqe te gjakut dhe gjithashtu prek lekuren dhe sistemin nervor. Krizat e forta te çojne ne dhimbje te tmerrshme te barkut, spazem ne stomak, perzjerje, vjellje si dhe konstipacion. Toksina qe zhvillohet per shkak te prodhimtarise se ulet te proteines heme, mund te shkaktoje edhe ngjyrosjen e pjeseve te trupit sidomos pas ekspozimit ndaj diellit. Ndonjehere dhembet dhe thonjte e gishtave mund te marrin nje ngjyre te kuqerremte dhe jane pikerisht keto toksina qe çonje drejt ngjyrosjes se urines dhe jashteqitjes. Thuhet se, nga kjo semundje mund te kene vuajtur Mbreteresha Mary e Skocise, Vincent Van Gogh, Mbreti Nebuchadnezzar si edhe mbreti anglez i shek 18 George III, i cili besohet se eshte çmendur pikerisht si pasoje e kesaj semundjeje.


Pica

Magpie (laraska), ose sipas emrit te saj latin Pica, mund te haje çdo gje ashtu si edhe te semuret me sindromen Pica. Ne shumicen e rasteve, te semuret qe mund te jene gra shtatzena ose femije zhvillojne nje oreks te çuditshem per substance jo ushqimire, si per shembull boje, argjil, plasteline apo balte ose thjesht produkte qe konsiderohen si ingrediente ushqimore si oriz i pabere, miell ose kripe. Nje rast i tille mund te konsiderohet sindroma pica kur ky lloj oreksi zgjat per me shume se nje muaj dhe te semuret i perkasin nje moshe qe konsiderohet si e papershtatshme per ngrenien e ketyre produkteve. Studiuesit mjeksore e kane lidhur kete sindrome ne menyre logjike me nje defiçence mineralesh ne trup, por sipas Organizates Kombetare te Çrregullimeve te Rralla, ekspertet kane ende shume pune per te zbuluar nje kauze te vertete si dhe kure per kete çrregullim te çuditshem.


Sindroma Moebius

Moebius eshte ekstremisht shume e rralle, gjenetike dhe karakterizohet nga paraliza e plote e fytyres. Te prekurit nga kjo semundje nuk mund ti mbyllin syte, te shikojne nga njera ane ne tjetren dhe as te formojne ndonje shprehje fytyre. Shpesh here kjo semundje shoqerohet me anomali gjymtyresh, kembe te shtremberuara apo me mungese gishtash. Sipas Fondacionit te Sindromes Moebius, shumica e rasteve jane te izoluar dhe pa histori familjare edhe pse te prekurit mund te jetojne jete te gjate dhe te shendetshme. Pjesetaret e familjes shpesh mesohen te dallojne gjuhen e trupit, qendrimin dhe tonet vokale si komunikues emocionesh dhe ndonjehere thojne se e harrojne qe I afermi I tyre vuan nga paraliza e fytyres. Organizata NORD ka listuar edhe disa simptoma te tjera qe perfshijne ndjeshmeri te larte ndaj diellit, kruajtje dhe fryrje. Semundja gjithashtu mund te shkaktoje edhe rritje te madhe flokesh ne pjesen e ballit.
Share/Bookmark
       
   

T'ia thyesh dikujt zemrën dhe pastaj ti thuash: të dua

T'ia thyesh dikujt zemrën dhe pastaj ti thuash: të dua,
është e njejtë sikur t'ia djegësh shtëpinë dhe pastaj ti thuash: a e do një dhomë për vendbanim.

Burimi: Senad Ramadani

Share/Bookmark
       
   

Kosova po zbrazet, ndërsa të pasurit thonë se patriotizëm është mos braktisja e atdheut

Kosova po zbrazet, ndërsa të pasurit thonë se patriotizëm është mos braktisja e atdheut. Jo ore horra, më falni more morra, tradhtarë janë ata që i vjelën qytetarët për 15 vjet radhazi, të cilët gjendjen e tyre vetjake e shikonin dhe e shikojnë me gjendjen e përgjithshme të popullit. Fatkeqësisht, gjendja e tyre ekonomike ishte për merak, kurse jo edhe ajo e popullit!

Burimi: Iljasa Salihu

Share/Bookmark
       
   

Drejtësia dhe padrejtësia

Drejtësia është obligative për çdonjërin, ndaj çdonjërit dhe në çdo rast, ndërsa padrejtësia është kategorikisht e ndaluar dhe nuk lejohet në asnjë rast !!!
|IbnTejmije|

Burimi: Senad Ramadani

Share/Bookmark
       
   

Mos u bëni shkaktarë që të shkatërroni jetën e vajzës suaj duke e martuar me dikë që ajo nuk do

Prindër të nderuar:
Mos u bëni shkaktarë që të shkatërroni jetën e vajzës suaj duke e martuar me dikë që ajo nuk do.
Thotë Muhamedi alejhi selam:" Martohuni me ato që i doni"
Mashkulli mund ti posedoj vetëm dy mangësi: Mungesë të besimit dhe mungesë të edukatës dhe moralit.
Varfëria, origjina, nacionaliteti, shkollimi, pozita,martesa,..., në Islam nuk llogariten mangësi.
Më mirë e varfër dhe e lumtur
se e pasur gjithnjë duke vuajtur !!!


Burimi: Senad Ramadani

Share/Bookmark
       
   

Të mos habitemi nëse një ditë do të bëhemi shumicë në Maqedoni

Të mos habitemi nëse një ditë do të bëhemi shumicë në Maqedoni, por do të udhëhiqemi prej maqedonasve, udhëheqje kjo e shoqëruar me diskriminim të hapur. Nuk ju duket i ngjashëm ky paralajmërim me rastin e klasave në shkolla të mesme, të cilat janë të mbushura vetëm me nxënës shqiptarë, por të cilët detyrohen të mësojnë vetëm në gjuhën maqedonase, ani pse edhe Ministri i Arsimit thuhet dhe shkruhet se është shqiptar. Kështu ndodhë kur jeton me fantazinë se një ditë edhe Car Dushani do të zbulohet se paskësh qenë shqiptar dhe i tërë projekti vrasës “Shkupi 2014” sa ora do të bëhet i shqiptarëve dhe kështu të gjithë ata që e kishin kundërshtuar këtë projekt do të trajtësohen në tradhëtarë. Kjo mendësi nga dita në ditë po zbulohet, por nuk e di se sa po jemi të vetëdijshëm për këtë gjëmë?

Burimi: Iljasa Salihu

Share/Bookmark
       
   

Fati mua më rrëzoi në Hamburg, në vitin 2005

"Fati mua më rrëzoi në Hamburg, në vitin 2005. Uroj që fati të sillet me ju ndryshe, për të mirën e krejt kombit tonë". (Luan Krasniqi, letër Kadaresë. Libri "Mëngjeset në Kafe Rostand", 2014, f. 336)
Share/Bookmark
       
   

Është e urrejtur për mua të shoh një burrë duke qëndruar

Është e urrejtur për mua të shoh një burrë duke qëndruar, nuk punon as për këtë dunja e as për dunjanë tjetër(Ahiretin).
|Abdullah bin Mesudi|

Burimi: Senad Ramadani

Share/Bookmark
       
   

Pak si shumë pa lidhje

Pak si shumë pa lidhje, që e zhveshura të përzgjidhet për veshjen më të mirë! Iljasa Salihu


Share/Bookmark
       
   

Sa herë?


Sa herë je zgjuar duke mos ditur si t'ia fillosh?
Sa herë je lënduar duke mos ditur si t'reagosh?
Sa herë je zhgënjyer duke mos ditur si t'mendosh?
Sa herë je hutuar duke mos ditur si t'veprosh?

Sa herë ke vrarë duke mos ditur se duhet t'shpëtosh?
Sa herë ke qeshur duke mos ditur se duhet t'vajtosh?
Sa herë ke folur duke mos ditur se duhet t'pushosh?
Sa herë ke vdekur duke mos ditur se duhet t'jetosh?
Sa herë, mendo, sa herë kështu duhet t'vazhdosh?
  
Shpresim Ademaj
Share/Bookmark
       
   

Analiza e romanit "Viti i mbrapshtë" - Ismail Kadare

 Analiza e romanit "Viti i mbrapshtë" - Ismail Kadare

Ngjarjet e romanit "Viti i mbrapshtë" ndodhin në vitin 1914. Në këtë vit Shqipëria fiton pavarësinë. Kështu vendosën Gjemania, Anglia, Austro-Hungaria, Franca, Italia dhe Rusia. Secili prej këtyre shteteve përpiqet ta tërheqë pas vetes kombin e ri. Gjë që shpjegon serinë e aleancave me synime të caktuara, si dhe ushtritë e huaja që ngatërrohen në këmbët e njëra-tjetrës, por pa u ndeshur mes tyre. Rivaliteti mes serbëve dhe turqëve i ndërlikon edhe më tepër punët.

Atëherë emërohet një mbret, një austriak, i cili nuk mund të pranohet nga myslimanët pa u bërë synet.Jemi në zemër të një komedie të përforcuar nga një vodevil i luajtur nga diplomatët e akredituar në Shqipëri. Dhe Ismail Kadareja qesëndis historianët e ardhshëm, kur të tundohen për të vënë rregull në tërë këtë mishmash të pashpjegueshëm dhe të pakuptueshëm, për të mos thënë absurd. Jemi larg luftës së proletariatit kundër imperializmit.

Përveç faktit se, nga gjithë kjo histori e ngatërruar, ngrihet zëri modest i fshatarëve të thjeshtë që ndërgjegjësohen për çështjen kombëtare. Të keqarmatosur, të keqkomanduar, ata enden kuturu andej-këndej, diku duke dalë fitimtarë, por duke humbur përfundimisht. Sidoqoftë, nuk ka asnjë dyshim se këta këmbëzbathur shkruajnë, në syrin e Kadaresë, epopenë e vërtetë shqiptare.

Share/Bookmark
       
   

Nëse maqedonasit duan që përnjëmend Maqedonia të mos ndahet

Nëse maqedonasit duan që përnjëmend Maqedonia të mos ndahet, atëherë njëherë e përgjithmonë duhet ta kuptojnë dhe pranojnë se copëtimi i shtetit pamundësohet vetëm nëse ndahet pushteti me shqiptarët dhe të tjerët. Kështu që, ruajeni shtetin prej ndarjes, përmes ndarjes së pushtetit!



Burimi:Iljasa Salihu
 

Share/Bookmark
       
   

Kryeparaziti ka të drejtë kur flet për parazitët

Kryeparaziti ka të drejtë kur flet për parazitët, mu ashtu sikurse ka të drejtë të flet prodhuesi për prodhimet e tij me cilësi të dobëta, që edhe kur i shet këto produkte i shet shtrenjtë, sepse ka cilësi ky në mashtrim. Parazitët në fjalë nuk janë asgjë tjetër, pos një argument i pranisë së kryeparazitëve dhe si të tillë ata nuk janë parazitë, por viktima të kryeparazitëve, të cilët fatkeqësisht janë shtrirë mirë në dyshemetë e pushtetit!



Burimi:Iljasa Salihu
 

Share/Bookmark
       
   

Fashitja e moralit, shkërmoqja e ndërgjegjes dhe humbja e dinjitetit

Fashitja e moralit, shkërmoqja e ndërgjegjes dhe humbja e dinjitetit, bëri që vrasësi të dënohet me një burgim qesharak shtëpiak dhe profesori, politikani dhe ish rektori të mos kërkojë prej studentes dituri, por shërbim përmes gjymtyrëve për ta kënaqur kështu një kafshë me pamje njeriu. Ashtu siç kam shkruar edhe më herët, shoqëria jonë po nuk ju krikthye vlerave morale, të kota do të jenë titujt, zhvillimi teknologjik, politikanët pedantë dhe gjithçka do të jetë e kotë. Fatkeqësisht, fashitjen e morali për ta hapur kështu derën e të këqijave, pa u skuqur fare e mundësuan këngëtaret tona, disa shkrimtarë tanë që e përurojnë degjenerimin përmes romaneve dhe disa profesorë që i kalojnë studentetet jo në sajë të asaj që kanë mësuar, por në sajë të bukurisë së tyre dhe gadishmërisë së ndonjërës për t’ia bërë ndonjë “të mirë” profesorit “pa grua” në shtëpi.



Burimi:Iljasa Salihu
 

Share/Bookmark
       
   

Maqedonasit nuk po lindin fëmijë, ndërsa shqiptarët shumicën e fëmijëve po i përcjellin për në mërgim

Maqedonasit nuk po lindin fëmijë, ndërsa shqiptarët shumicën e fëmijëve po i përcjellin për në mërgim. Kurse, Maqedonia po plaket, të cilën dhe shoqërinë e së cilës mund ta shpëtojnë vetëm të moralshmit dhe të diturit!



Burimi:Iljasa Salihu
 

Share/Bookmark
       
   

Më lehtë se ne vështirë se dikush përçahet

Më lehtë se ne vështirë se dikush përçahet. Sakaq dhe sa keq, më vështirë se ne vështirë se dikush pajtohet. Madje edhe atëherë kur nuk pajtohemi, nuk e pranojmë një mospajtim zyrtar, por bëhemi se gjoja mes nesh asgjë nuk ekziston, kurse në të vërtetë ndasitë tona të panevojshme prekin edhe shtresat më të thella të tokës. Kësaj i thonë hipokrizi, ndërsa këtë gjëmë hipokritët nuk po e quajnë mëkat i madh, por aftësi. Përditë çuditë e popullit tim po ma vrasin vetë çudinë, gjë që nesër mund të mos habitem për asgjë. Vetëm atëherë, kjo mendësi do të jetë fundi i njeriut dhe pragu i robotizimit të tij. Ti mund të bëhesh edhe robot, por nesër do të përgjigjesh, shpërblehesh apo do të dënohesh vetëm si njeri!



Burimi:Iljasa Salihu
 

Share/Bookmark
       
   

Unë jam sërish i dashuruar pas një buzëqeshje

Unë jam sërish i dashuruar pas një buzëqeshje. Sërish kam besuar se do vdes nga dashuria dhe... kam pasur frikë se mos humb dikë shumë special (që gjithsesi e kisha humbur)... por kam mbijetuar. Dhe jetoj akoma. Dhe jeta nuk më lodh. Edhe ti nuk duhet të lodhesh. Jeto! Është me të vërtetë e bukur t'a përqafosh jetën e të jetosh me pasion, të humbësh me klas e të fitosh duke tentuar, sepse bota i përket atij që tenton.
Charlie Chaplin

Share/Bookmark
       
   

Nuk është e ndershme për një politikan dhe shkrimtar siç është...

Nuk është e ndershme për një politikan dhe shkrimtar siç është Ben Blushi që të shkruajë në librin e tij “Hëna e Shqipërisë” se shoqëria shqiptare do të ngelte shumë mbrapa nëse feja islame jo vetëm si besim, por edhe sistem jete do të përqafohet prej shqiptarëve, duke mos sjellë asnjë argument të shëndoshë për këtë pohim, përpos një të sëmurë që jep shembull nga kisha në kohën e mesjetës, që aq shumë e kishte penguar shkencën dhe zhvillimin. Madje thotë se shkenca, njeriu dhe teknologjia filloi të ecë përpara vetëm pasi kishën dhe priftërinjtë i kishin murguan. Kjo është e vërtetë, por e thënë në vend dhe analogji të gabuar, sepse feja islame asnjëherë nuk ka pasur problem me përparimin dhe shkencëtarët, përkundrazi shkencëtarët më të shquar njëherësh ishin edhe teolog. Rreth kësaj problematike me të drejtë hoxha i ndjerë Jakup Hasipi kishte thënë se muslimanët filluan të futen në dekadencë vetëm pasi hoqën dorë prej fesë, kurse perëndimi filloi të përparojë materialisht (duke mbetur mbrapa moralisht) vetëm pasi hoqi dorë prej fesë së krishtere. Ajo që bie ndesh në pohimin e z. Blushit është fakti kur thotë se shqiptarët do të ngelin mbrapa, ku pas pak vetë e dëshmon se shqiptarët tashmë janë shumë mbrapa. Nëse ata janë mbrapa, atëherë si paska mundësi të thuhet se ata do të ngelin mbrapa? Më vjen keq që ende kemi intelektual të atillë që fenë islame mëtojnë ta kuptojnë përmes qëndrimeve të kishës në mesjetë dhe të atyre të ISIS-sit. Ky lloj i shkrimtarëve është sikurse spermatozoidi që asnjëherë nuk mbërrin te veza!

Burimi: Iljasa Salihu

Share/Bookmark
       
   

RREGULLAT E REJA TË KOMUNIKACIONIT


1. Lidhu me rripin e devotshmërisë.
2. Ec në rrugën e të devotshmëve.
3. Zbato Kur’anin dhe Sunetin e Resulullahut.
4. Kujdes nga kthesat e nefsit dhe të epsheve.
5. Largoju gropave të shejtanit.
6. Bëj kujdes për atë që shkruajnë dy melekët e tu.
7. Mos harro bagazhin e vdekjes.
8. Komisioni i varrit.
9. Paramendo në çdo moment pikën e kontrollit, e cila quhet “Ahiret”.

Përshtati: Hoxhë Valdet Kamberi

Share/Bookmark
       
   

Edukoni fëmijët tuaj më këto tri cilësi

"Edukoni fëmijët tuaj më këto tri cilësi: - Ta duan Pejgamberin sal Allahu alejhi we selem - ta duan famijlen e tyre dhe të mësojnë Kur'anin".
-Muhamedi sal Allahu alejhi we selem

Share/Bookmark
       
   

lejohet që gruaja ta kryejë umren për burrin e saj të vdekur, me të cilin nuk kishte pasur fëmijë?

Pyetje:
A lejohet që gruaja ta kryejë umren për burrin e saj të vdekur, me të cilin nuk kishte pasur fëmijë?
Përgjigje:
Po, lejohet kryerja e umres, haxhit, dhënia e sadakasë për burrin tënd të vdekur, nuk ka asnjë ndales këtu.
Lejohet gruaja t'ia kryej haxhin(ose umren) burrit të saj dhe burri t'ia kryej haxhin(ose umren) gruas së tij, sipas mendimit unanim të dijetarëve.
Gjithashtu, të lejohet ty motër e nderuar t'ia kryesh haxhin edhe atyre që nuk i ke të afërt.
Të gjitha këto lejohen inshallah.
Shejh Abdullah el Humejd, rahimehullah.
Nga arabishtja:
Suad Shabani
Share/Bookmark
       
   

Njerëzit do të zbulojnë personalitetin tënd kur të hidhërohesh

Njerëzit do të zbulojnë personalitetin tënd kur të hidhërohesh.
Ata do të zbulojnë nivelin tënd të elegancës sipas asaj që do të sillesh me ata që të kanë bërë keq dhe zemërbardhësinë tënde atëherë kur do të bësh mirë pa kthim. Hoxhë Bekir Halimi
‪#‎vetëzhvillim‬
Share/Bookmark
       
   

JETA ME ALLAHUN KA SHIJE TJETËR!


1. Ec përpara dhe mos e rrit zërin, shiu është ai që i rrit lulet, e jo bubullima!
2. Shpirtrat më të mirë janë ato që nuk i mohojnë të mirat edhe përskaj mospajtimeve!
3. Distanca nuk e afron dhe nuk e largon askënd.. zemrat janë ato që e bëjnë atë!
4. Abdullah ibën Mesudi, Allahu qoftë i kënaqur me të, tha: Përgjatë qëndrimit tënd në namaz ti troket në derën e Mbretit, dhe ai që troket në derën e Mbretit, atij i hapet”.
5. Dynjaja është shumë e lirë! Atë mundet ta posedon çdokush nga ne, pasaniku dhe fukaraja, mbreti dhe ministri, mirëpo, Xheneti është i shtrenjtë, nëse nuk mundesh ta posedosh me veprat e tua të mira, nuk mundesh ta posedosh me pasurinë dhe arin tënd!
6. Çdo gjë që e njeh nuk do të thotë se të qetëson zemrën, disa gjëra janë më të bukura nëse mbeten të panjohura!
7. Shpirtrat më të shtrenjtë janë ato që e përjetuan dhembjen dhe mundohen që të tjerët mos ta shijojnë shijen e saj!
8. Rrëfehet se brengën e pastron loti, dhe zemrën e ringjall sexhdeja, dhe ëndrrën e realizon lutja!
“Jeta me Allahun me të vërtetë ka shije tjetër!!”.
Nga arabishtja: Irfan JAHIU

Share/Bookmark
       
   

28 Nëntori – Ditë e shenjtë arbërore - Ese për 28 nëntorin

 Shkruar nga: Engjëll KOLIQI 


Si çdo popull, edhe ne kemi kremten tonë kombëtare. Bile mund të themi se Dita Jonë e Madhe – 28 Nëntori, është diçka më shumë se një kremte kombëtare, siç e kam thënë, jorastësisht, edhe në titull «DITA E SHENJTË ARBËRORE». Dikush që nuk e njeh mirë historinë tonë kombëtare, mund të pyes: pse?! Përgjigja është e shkurtër dhe shumë e qartë: sepse të mirat e rralla, kombit tonë të shumëvuajtur, por gjithmonë krenar, i kanë ardhur mu në këtë ditë.

28 Nëntori i parë arbëror ishte ai i vitit 1443, kur Kryeheroi Ynë, Gjergj Kastrioti – Skënderbeu, e ngriti për herë të parë në historinë e këtij kombi Flamurin me Shqiponjën Dykrenore dhe me yllin gjashtëcepësh në mes dy krenash, në Kalanë e Krujës, ku valoi plot 25 vjet. Gjergji, deri në vdekje luftoi me atë flamur në dorë dhe kurrë nuk diti për humbje. Ai flamur valoi i pamposhtur në Kalanë e Krujës dhe në kulla e kala të tjera arbërore, për 25 vjet, sa Kryeheroi Ynë udhëhoqi popullin dhe Shqipërinë.

Pas vdekjes së Tij (më 1468), pushtuesit otomanë depërtuan në të gjitha trojet arbërore dhe ia ndaluan valimin flamurit tonë. U dashtën edhe 444 vite pritje e vuajtje, tmerr e robëri nën atë pushtues, si dhe shumë ekzode e zbrazje masive të trojeve tona nga qeniet arbërore, derisa rifilloi sërisht valimi i Flamurit të Arbërit. T’i kemi parasysh arbëreshët, që ikën përterj detit, ose në veri (në Dalmaci), me qëndresën e tyre stoike dhe me ruajtjen fanatike të gjuhës, traditave dhe kulturës së të parëve. Qindra mijëra shqiptarë, duke mos mundur ta durojnë terrorin e pushtuesve, kishin ikur në shumë vende të botës – deri në Amerikë, Afrikë, Azi e deri në Australi.
 
Edhepse të mërguar, qeniet arbërore nuk ndejtën kurrë duarkryq, por gjithherë, në mënyra të ndryshme ishin të vënë në shërbim të kombit dhe të atdheut të braktisur nga dhuna e pushtuesve. Sidomos vlen të përmendet gjysma e parë e shekullit XIX, kur figurat e ndritura të kombit themeluan një lëvizje mbarëkombëtare, për të mbajtur gjallë shpirtin arbëror dhe për ta ndihmuar lirimin e atdheut nga pushtuesit. Kjo lëvizje, në historinë tonë, u regjistrua me germa ari dhe u quajt: Rilindja Kombëtare Shqiptare. Ndër rilindasit e parë duhet veçuar: Vëllezërit Frashëri, Jeronim De Radën, Jani Vreton dhe shumë të tjerë.

Në kohën kur gërshetimi joparimor i interesave ishte shtrirë në mbarë hapësirat ballkanike e më së rëndi rëndonte supet e popullit tonë, liderët e kombit filluan artikulimin e zëshëm të aspiratave të ligjshme kombëtare, për liri dhe pavarësi. Nën trysninë e fuqive të mëdha të kohës, në Kongresin e Berlinit të vitit 1878, Perandoria Osmane u detyrua t’ua njohë autonominë disa vendeve fqinje, si: Serbisë, Greqisë, Bullgarisë dhe Malit të Zi, gjë që nuk ndodhi edhe me Shqipërinë, që në vorbullën e interesave dhe të marrëveshjeve ruso-turke, mbeti ende nën kthetrat otomane.

Të ndaluar të marrin pjesë në Kongresin e Berlinit dhe të indinjuar thellë nga pazarllëqet që u bënë për copëtimin e tokave tona, krerët shqiptarë, të udhëhequr nga Abdyl Frashëri, Haxhi Ymer Prizreni, Pashko Vasa e të tjerë, më 10 Qershor 1978, në Prizren mbajtën Kuvendin Mbarëkombëtar dhe themeluan Lidhjen Shqiptare të Prizrenit, duke shpallur kështu autonominë e Shqipërisë. U bë edhe një kabinet qeveritar dhe u organizua një administratë mbarëkombëtare, mirëpo Turqia – e tërbuar nga ky akt i shqiptarëve, me “bekimin” dhe heshtjen edhe të fuqive të mëdha të kohës, me një fushatë shumë të egër ushtarake dhe me terror, pas tre vjetësh – më 1881 e shuajti Lidhjen e Prizrenit dhe autonominë shqiptare.

Shqiptarët nuk janë dorëzuar kurrë. Ata gjithmonë e luftonin pushtuesin dhe e forconin Lëvizjen Çlirimtare Kombëtare – me pushkë e me penë. Në vitin 1899, nën drejtimin e Haxhi Zekës, u mbajt në Pejë edhe nhjë kuvend i madh mbarëkombëtar, që historia e njeh si Lidhja e Dytë e Prizrenit. Në fillim të shekullit XX, Perandoria Osmane që shtrihej në tri kontinente (Azi, Europë dhe Afrikë) dhe e ndarë në 33 vilajete, katër nga të cilat ishin shqiptare, nga sulmet që nga të gjitha anët i bënin popujt liridashës, ishte dobësuar dukshëm. Njëri nga Vilajetet shqiptare ishte Vilajeti i Kosovës, me kryeqytet Shkupin, që përfshinte territoret e Dardanisë së dikurshme.

Luftërat çlirimtare, që plasën në të gjitha viset e pushtuara, i dhanë një goditje të rëndë “të sëmurit nga Bosfori”. Si pjellë e konçesioneve, që kishte fituar Serbia në Kongresin e Berlinit, në vorbullën e interesave, me marrëveshjen e fshehtë ruso-turke, kombit tonë i ishte imponuar edhe fronti verior, sepse shumë troje tona u pushtuan nga Serbia, që me sulme barbare deri në gjenocid i kishte detyruar të shpërngulen shumë shqiptarë nga trojet e tyre, që si rezultat pati spastrimin e mbi 700 vendbanimeve të Krahinës së Toplicës nga fara arbërore.

Në vitin 1908, e dobësuar shumë nga sulmet që i vinin nga të katër anët, Perandoria Osmane u detyrua të bëjë reforma dhe të lëshojë pe në shumëçka, në vendet e pushtuara. Xhonturqit, edhe nën trysninë e fuqive të mëdha të kohës, me këto reforma u kishin njohur disa të drejta popujve të pushtuar, përfshirë edhe shkollimin në gjuhën e tyre amtare dhe shprehjen e identitetit kulturor. Në nëntor të vitit 1908, nën drejtimin e At Gjergj Fishtës, në Manastir u mbajt Kongresi i Alfabetit, ku u njësua alfabeti i gjuhës shqipe. Në të gjitha viset shqiptare filloi organizimi i shkollave kombëtare.

Në vitin 1909, kur u organizua kryengritja e madhe e popullit arab kundër Turqisë, kur shpërthej edhe lufta e madhe italo-turke në Tripoli dhe kur plasën luftërat ballkanike, krerët e kombit filluan ta mobilizojnë edhe popullin tonë. Në pranverën e vitit 1910, Idriz Nikollë Seferi, bashkë me Dom Mikel Tarabulluzin, në zyrën famullitare në Stubëll të Karadakut, kishin hartuar planin e Luftës së Kaçanikut. Trimat e ardhur nga viset e Karadakut dhe të Moravës, nën udhëheqjen e Idriz Seferit dhe ata të ardhur nga Carraleva dhe nga viset tjera të Kosovës, nën udhëheqjen e Isë Boletinit, ishin bashkuar në Stagovë, prej nga futen në Grykën e Kaçanikut dhe i dërmojnë taborret e Turgut Pashës.

Lufta e Kaçanikut ishte fillimi i kryengritjes mbarëkombëtare për çlirim nga zgjedha pushtuese otomane, që në vitin 1911 – nën drejtimin e Dedë Gjo’ Lulit, ishte zgjeruar në Malësinë e Shkodrës dhe në krahinat fqinje, deri në Shqipërinë e Mesme, për t’u zgjeruar edhe në jug, kështuqë në vitin 1912  ishte përfshirë mbarë Shqipëria – nga Janina deri në Mitrovicë e nga Durrësi deri në Preshevë.

Tashmë vërehej qartë se Perandoria Osmane po kapitullonte, prandaj fuqitë e mëdha të kohës kishin filluar tregtimin mbi tokat që do të dilnin nga kthetrat otomane. Pamëshirësitë absurde kundrejt shqiptarëve, mbi tavolinat diplomatike, nuk kishin fund. Derisa Serbisë, Bullgarisë, Greqisë e Malit të Zi u ishte njohur pavarësia, më 17 tetor 1912 fuqitë e mëdha kishin vendosur që Shqipërisë t’i njihej një autonomi, ende nën varësi nga Turqia. Duke mos përballuar më turpet dhe absurdet diplomatike të fuqive të mëdha, krerët e kombit tonë, që me pushkë e me penë e kishin udhëhequr Lëvizjen Kombëtare Çlirimtare, kishin vendosur mbajtjen e një kuvendi mbarëkombëtar dhe shpalljen e pavarësisë së Shqipërisë.

Duke iu përgjighjur thirrjes së Ismail Qemalit, më 28 Nëntor 1912, në Vlorë ishin mbledhur krerët e të gjitha krahinave shqiptare: Luigj Gurakuqi, Sali Gjuka, Bedri Pejani, Rexhep Mitrovica, Vehbi Agolli, Dom Nikollë Kaçorri, Jani Minga. Avdi Toptani, Pandeli Cale, Llesh Nosi, Mid’hat Frashëri, Mehmet Tërralla, Hasan Hysen Budakova, Sherif Efendi Dibra, Hajdin Draga, Dhimitër Mborja, Dhimitër Zografi, Shefqet Taiu e shumë të tjerë. Për shkak të pengesave gjatë rrugës, Isë Boletini me mbi 10 mijë kalorës nga Kosova, kishte mbërritur vetëm të nesërmen.

Kuvendi Kombëtar i Vlorës shpalli Pavarësinë e Shqipërisë dhe zgjodhi Qeverinë e parë të Shtetit Shqiptar. Kryetar i Kuvendit e natyrisht edhe kryetar i parë i Qeverisë së shtetit Shqiptar, u zgjodh Ismail Qemali, i cili, kur po e ngriste Flamurin e qëndisur nga Marigona, në fjalën e Tij solemne, ndër të tjera ka thënë: “Fqinjtë tanë nuk duhet të gënjehen me lakmi, se shqiptari s’e duron robërinë. Historia e shekujve të kaluar e dëshmon këtë të vërtetë. Ky truall është atdheu ynë. Ne e kemi gjuhën tonë, zakonet tona, kulturën tonë. Ndaj, sot, të mbledhur në këtë kuvend të madh historik, ne shprehim para gjithë botës vullnetin e popullit tonë sovran”. Më shumë se një e treta e delegatëve të Kuvendit ishin nga viset e Kosovës. Pavarësia u shpall për të gjitha trojet shqiptare dhe ministrat u zgjodhën nga të gjitha krahinat shqiptare.

Megjithë ndërhyrjet e parreshtura diplomatike të Ismail Qemalit dhe të Qeverisë Shqiptare, në të gjitha institucionet e qarqeve ndërkombëtare, gjashtë fuqitë e mëdha të kohës, të involvuar në gërshetim interesash, kanë lejuar copëtimin e tokave shqiptare. Kështu, në konferencën e ambasadorëve në Londër, më 1913, pa përfillur luftën çlirimtare as vullnetin e popullit tonë, u morën vendime tragjike kundër Shqipërisë dhe shqiptarëve.

Më shumë se gjysma e toka tona iu dhuruan fqinjëve: Greqisë, Serbisë, Malit të Zi dhe Bullgarisë (sllavomaqedonasit në atë kohë nuk kishin identitet kombëtar, pra ishin bullgarë). Kështu, ambasadorët e gjashtë fuqive të mëdha të asaj kohe, kanë përligjur gjakderdhjen në Ballkan, duke lënë të hapura varrë që do të kullonin gjak gjatë gjithë shekullit XX. E njëjta gjë ndodhi edhe në vitin 1920, që për shkak të vendimeve të tilla, edhe pas Luftës së Parë Botërore, tokat tona mbetën të pushtuara nga vendet e përmendura. Me të drejtë, i Madhi At Gjergj Fishta e shan Europën e asaj kohe, duke e quajtur edhe kurvë: “Oj Zanë këndojmë, o të vajtojmë deshta me thanë...”.

28 Nëntori i tretë Shqiptar ndodhi në vitin 1944, kur Shqipëria u çlirua përfundimisht nga pushtuesit fashistë, mirëpo diplomacia ndërkombëtare, sërish na e la një Shqipëri të cunguar, duke njohur dhe përligjur edhe brenda shtetit shqiptar një diktaturë të egër komuniste, që shkatërroi edhe ato pak të arritura në rrafshin kombëtar – politik, ekonomik, kulturor... Ai regjim pushtuesve (grekërve, serbëve e sllavomaqedonasve), heshtas u lejonte dhunën e pandalshme mbi shqiptarët në trojet e tyre të pushtuara, deri në spastrime etnike e gjenocid.

28 Nëntori i vitit 1955, mu në kohën e gjenocidit rankoviqian mbi shqiptarët e Kosovës, në Prekaz të Drenicës lindi kryekomandantin Adem Jasharin, i cili do të niste Luftën Çlirimtare vendimtare, për t’u çliruar nga zgjedha serbiane. 28 Nëntori i vitit 1997 e shpalli botërisht Ushtrinë Çlirimtare të Kosovës. 28 Nëntori i vitit 2001, e solli me krenari, në qendrën e kryeqytetit të Kosovës, në Prishtinë, kryeheroin tonë Gjergj Kastriotin – Skënderbe, i cili edhe sot u jep zemër shqiptarëve dhe u garanton se një ditë të afërme do të jenë pronarë të ligjshëm të të gjitha tokave të tyre.

Në këtë festë të madhe, që sivjet po e kremtojmë edhe në shenjë të 600 Vjetorit të lindjes së Gjergj Kastriotit – Skënderbe, të 450 vjetorit të Mesharit të Dom Gjon buzukut dhe të 95 Vjetorit të lindjes së Shenjtëreshës së Dashurisë, Gonxhe Bojaxhiu -  Nëna Tereze, uroj që së shpejti ta kremtojmë bashkë 28 Nëntorin e shpalljes dhe njohjes së shtetit shqiptar mbi të gjitha trojet arbërore.

Zoti e bekoftë Ditën Tonë të Shenjtë – 28 Nëntorin!
Zoti e bekoftë Shqipërinë dhe të gjitha tokat shqiptare jashtë kufijve të saj administrativë!
Zoti i bekoftë të gjitha qeniet arbërore!
Gëzuar!
Share/Bookmark
       
   
  •