Dikush thërret për ushqim të shëndetshëm, ndërsa dikujt tjetër i mungon ushqimi, qoftë edhe ai i pashëndetshëm. Nuk bëhet fjalë për Kinën, por për një vend me 25 713 km². Në këtë vend politikanët aq shumë e tepruan, sa që tani thërrasin në ngritjen e vetëdijes për ushqim të shëndetshëm. Kjo punë është punë e mirë, por vetëm pasi ata të mos vjedhin. Vetëm pasi ta çojnë vendin përpara dhe jo vetëm vetën e tyre. Kjo qeveri do t’i shpenzojë 500 mijë euro në fushatën për ushqim të shëndetshëm. Pikërisht në kohën kur koshi i mbeturinave gjendet përplot me të pa ngrënë, duke i kërkuar të gjorët mbetjet e të pasurve. Madje duket se edhe koshrat nuk po mjaftojnë kundrejt pranisë së dendur së lypsarëve!
Pikërisht në kohën kur edhe me rrogë shihet se vështirë është t’ia dalësh muajin, ngaqë për një familje katër antarëshe shporta e konsumit parashihet të jetë 500 euro, kurse rroga mesatare në këtë shtet të vogël, por me ndasi të mëdha është 300 euro. Për çdo muaj secili punonjës i bie të jetë nga 200 euro borxh. Nuk po shkruajmë për ata që “fëmijët e djepit dhe gjyshet e thyera në moshë” i kanë të punësuara, por për realitetin që mbretëron në këtë shtet të madh për nga problemet. 500 mijë euro, edhe pse pak, por si fillim kishin qenë të mjaftueshme për t’i qetësuar një pjesë të të varfërve të skajshëm!
Burimi: Iljasa Salihu
loading...
Lexo edhe:
